काठमाडौँ । आगामी सिजनको इंग्लिस प्रिमियर लिगको खेलतालिका सार्वजनिक भएको छ ।
बुधबार सार्वजनिक खेलतालिका अनुसार साविक विजेता लिभरपुलले उद्घाटन खेलमा बर्नमाउथको सामना गर्नेछ । अगस्ट १५ मा एनफिल्डमा उद्घाटन खेल खेल्दै लिभरपुलले सिजनको सुरुवात गर्नेछ ।
२०१६–१७ पछि पहिलोपटक शीर्ष डिभिजनमा फर्किएको सन्डरल्यान्डले आफ्नो खेल वेस्ट ह्यामविरुद्ध घरेलु मैदानमा खेल्नेछ ।
च्याम्पियनसिप विजेता लिड्स युनाइटेडले अगस्ट १८ मा एभर्टनको सामना गर्नेछ । पहिलो प्रयासमै पुनः शीर्ष लिगमा बढुवा भएको बर्नलीले युरोपा लिग विजेता टोटनहमसँग प्रतिस्पर्धा गर्नेछ ।
