काठमाडौँ । इजरायलस्थित नेपाली दूतावासले इजरायल र इरानमा रहेका नेपालीको उद्धार प्रयोजनका लागि विवरण संकलन थालेको छ ।
तेल अविवस्थित दूतावासले एक सूचना जारी गर्दै नेपालीको उद्धार तथा स्वदेश फिर्ती प्रयोजनका लागि अनलाइन दर्ताको व्यवस्था गरेको जनाएको छ ।
इच्छुकले अनलाइन रजिष्ट्रेसन गर्न सकिने उल्लेख गरिएको छ । इजरायल र इरानबीच तनाव बढ्दै गएपछि विभिन्न देशले आफ्नो नागरिकको उद्धार थालेका छन् ।
इरान र इजरायलबीच विगत ५ दिनदेखि हिंसात्मक द्वन्द्व चलिरहेको छ ।
