काठमाडौंं। आँधी खोला संरक्षण अभियानका दुई अभियन्ता दिनकर नेपाल र मेघ आलेलाई स्याङ्जाको वालिङ नगरपालिका–१० का वडाध्यक्ष सुनिल खनालले कुटपिट गरेका छन् ।
नदी संरक्षण अभियान घोषणा गरेर मोटरसाइकलमा फर्किएका अभियन्ता नेपाल र आलेलाई वडाध्यक्ष खनालले वालिङ–९, सुर्कौदीमा रडले हानेको नेपालले सामाजिक संञ्जाल मार्फत जानकारी गराएका छन् ।
वडाध्यक्षको प्रहारबाट नेपालको हेलमेटको सिसा फुटेको छ भने हातमा समेत चोट लागेको छ । विरोध कार्यक्रमबाट फर्कने क्रममा मोटरसाइकल रोकेर एक्कासी आफुहरु माथी फलामको रडले हानेको नेपालले जानकारी दिनुभयो ।
