काठमाडौँ । प्रतिनिधिसभाको बैठक सुरु भएको छ । बैठक सुरु हुनेबित्तिकै रास्वपा, राप्रपाले विरोध जनाएका छन् ।
सभामुख देवराज घिमिरेले प्रमुख प्रतिपक्ष माओवादी केन्द्रका प्रमुख सचेतक हितराज पाण्डेलाई बोल्न दिँदा रास्वपा, राप्रपाले विरोध जनाएका हुन् । उनीहरुले विरोध जनाउँदै टेबल ठटाएका हुन् ।
पाण्डेले बोलिराख्दा रास्वपाका सांसदहरुले लगातार टेबल बजाइरहेका छन् । सत्तारुढ दल र प्रमुख प्रतिपक्षी दल माओवादी केन्द्र बीच जारी संसद् अवरोध खुलाउने विषयमा सहमति भएको छ । तर, रास्वपाले भने यसमा सहमति जनाएको छैन ।
