अहमदाबाद । गुजरातको अहमदाबादमा दुर्घटनाग्रस्त एयर इण्डियाको जहाज सिभिल अस्पताल होस्टेलको भवनमा ठोक्किएको खुलेको छ।
एयर इन्डियाको बोइङ ७८७ ड्रीमलाइनर विमान अस्पतालको होस्टेलमा ठोकिएको भारतीय सञ्चारमाध्यम एबिपी न्यूजले जनाएको छ ।
५० देखि ६० जना इन्टर्न डाक्टरहरू होस्टेलमा खाना खाइरहेको अवस्थामा विमान दुर्घटना भएको बताईएको छ । विमान दुर्घटनामा इन्टर्न डाक्टरहरू पनि परेको हुनसक्ने बताईएको छ ।
दुर्घटनास्थलबाट छ जनाको शव निकालिएको बताईएको छ । यद्यपी, शव कसको भन्नेबारे खुलेको छैन ।
भारतीय समय अनुसार अहमदावाद विमानस्थलबाट १ बजेर ३८ मिनेटमा उडेको जहाज दुई मिनेटमै भुईमा खसेको थियो । चालक दलका सदस्यसहित २४२ यात्रु सवार जहाजमा १६९ भारतीय, ५२ जना बेलायती, एक जना क्यानडेली र पोर्चुगलका ७ जना नागरिक रहेको भारतीय सञ्चारमाध्यमले जनाएको छ ।
