काठमाडौँ । सूचना तथा प्रशारण विभाग महानिर्देशक प्रदीप परियारले अख्तियारले दायर गरेको भ्रष्टाचार मुद्दाबारे प्रतिक्रिया दिएका छन् ।
बिहीबार सामाजिक सञ्जालमा लेख्दै उनले आफूले पेसागत जीवनमा सधैं उच्च नैतिक मूल्य र उत्तरदायित्वका साथ काम गरेको बताएका हुन् ।
मैले मेरो पेसागत जीवनमा सधैं उच्च नैतिक मूल्य र उत्तरदायित्वका साथ काम गरेको छु । ‘ उनले लेखेका छन्, ‘अहिले प्रश्न उठेकाले मैले अदालती प्रक्रियाको सम्मान गर्दै सोको विधिसम्मत रूपमा सामना गर्नेछु। सम्मानित अदालतबाट न्याय प्राप्त हुनेछ भन्नेमा मलाई पूर्ण विश्वास छ ।’
परियार काठमाडौं महानगरको प्रमुख प्रशासकीय अधिकृत रहेकै बेला सम्पादित कार्यमा चार करोड भन्दा बढी रकम अनियमितता भएको भन्दै अख्तियारले बुधबार उनीसहित ७ जनाविरुद्ध विशेष अदालतमा मुद्दा दायर गरेको छ ।
परियारले २०८० माघ ५ गतेदेखि ०८१ भदौ २७ गतेसम्म काठमाडौं महानगरमा प्रमुख प्रशासकीय अधिकृत भएर काम गरेका थिए ।
