काठमाडौं । भिजिट भिसा प्रकरणलाई लिएर प्रतिनिधिसभाको बैठक १५ दिनदेखि अबरुद्ध छ । प्रतिनिधिसभाको अवरोध हटाउन शीर्ष नेताहरुले ठोस पहल नगरेको भन्दै आलोचना भइरहेको छ ।
विशेष गरी प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहालले पहल नगरेको भन्दै आलोचना हुने गरेको छ ।
यही बीचमा नेकपा माओवादी केन्द्रका अध्यक्ष पुष्पकमल दाहाल त झन् म्याग्दीमा पुग्नुभएको छ । त्यहाँ तातोपानीमा नुहाएर उहाँले आफूलाई स्वस्थ बनाउने प्रयास गरिरहनु भएको छ । तर प्रतिनिधिसभा भने १३ गतेदेखि बिरामी जस्तै अवस्थामा छ ।
यसै सन्दर्भलाई लिएर नेकपा एमालेका सांसद सूर्य थापाले सामाजिक सञ्जालमा टिप्पणी गर्नुभएको छ ।
सांसद थापाले सामाजिक सञ्जालमा के लेख्नुभएको छ त ?
म्याग्दी, तातोपानीमा डुबुल्की मार्दै रमाइलो, तर प्रतिनिधिसभालाई १५ दिनदेखि चिसोपानीमा चुर्लुम्म डुबाउँदै सुप्रिमो महोदय–
विधायकहरूलाई यति निकम्मा बनाउने रवैया खेदजनक छ ।
