काठमाडौँ: नेपाल कानुन समाजका कार्यकारी निर्देशक कृष्णमान प्रधानको नेतृत्वमा ग्रामीण विकास प्रतिष्ठानको नयाँ कार्य समिति गठन भएको छ ।
उक्त कार्य समितिका उपाध्यक्षमा वरिष्ठ अधिवक्ता सुनीता रेग्मी, महासचिवमा वरिष्ठ अधिवक्ता तथा मधेश प्रदेशका मुख्य न्यायाधीवक्ता सुरेन्द्र महतो, कोषाध्यक्षमा अधिवक्ता सरस्वती डंगोल चयन हुनुभएको छ ।
सदस्यहरूमा वरिष्ठ अधिवक्ता उषा मल्ल पाठक, वरिष्ठ अधिवक्ता पुष्पा भुसाल, वरिष्ठ मानव अधिकारकर्मी डा. इन्दीरा श्रेष्ठ, सुदूरपश्चिम विश्व विद्यालयका पूर्व डिन कर्ण थापा र नेपाल सरकार वन विभागका पूर्व महानिर्देशक मनबहादुर खड्का सर्वसहमतीले चयन हुनुभएको छ ।
ग्रामीण विकास प्रतिष्ठानले विगत ३० वर्षदेखि सङ्घीय सरकार, प्रदेश सरकार र स्थानीय सरकारसँग सहकार्य गरी कानुन निर्माण, कानुन निर्माणमा सरोकारवालाहरूको सहभागिता, क्षमता अभिबृद्धि कार्यक्रम, न्यायमा पहुँचलगायत विभिन्न कार्यक्रम सञ्चालन गर्दै आएको छ ।
प्रतिष्ठानले आगामी दिनमा सङ्घीय सरकार, प्रदेश सरकार र स्थानीय सरकारसँग समन्वय गरी कानुन निर्माण, मानव अधिकार, समावेशी, कानुनी शासन, जनवायु परिवर्तनका क्षेत्रहरूमा सक्रिय कार्यक्रम सञ्चालन गर्ने प्रतिष्ठानका सभापति कृष्णमान प्रधानले जानकारी दिनुभयो ।रासस
