काठमाडौं । नेपाल राष्ट्र बैंकको गभर्नर छनौटका लागि गठित समितिको बैठक अर्थ मन्त्रालयमा सुरु भएको छ ।
अर्थ मन्त्रालय स्रोतका अनुसार, उक्त बैठकले आजै गभर्नरका लागि तीन जनाको नाम सिफारिस गरी मन्त्रिपरिषदमा पेश गर्नेछ ।
राष्ट्र बैंक ऐन अनुसार गठन हुने गभर्नर छनौट समितिमा अर्थ मन्त्रीको संयोजकत्वमा अरु दुई जना अर्थ वित्त क्षेत्रका प्रबुद्ध व्यक्ति रहने प्रावधान छ । सोही अनुसार, हाल गभर्नर छनौट समितिमा अर्थमन्त्री विष्णु पौडेल, अर्थशास्त्री पोषराज पाण्डे र पूर्व गभर्नर महाप्रसाद अधिकारी हुनुहुन्छ । यस समितिले तीन जनाको नाम सिफारिस गर्नेछ जसमा राष्ट्र बैंकका एक जना डेपुटी गभर्नरको नाम अनिवार्य समावेश हुनेछ ।
राजनीतिक सहमतिका आधारमा हुन लागेको गभर्नर नियुक्तीका लागि सम्भावित नामहरुमा विश्व पौडेल, डेपुटी गभर्नर निलम ढुंगाना र अर्थविद अंगराज तिमिल्सिना हुनुहुन्छ ।
गभर्नरको नियुक्ति हुने चर्चा सँगै शेयर बजारमा उछाल आएको छ ।
प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच गभर्नरमा प्रा.डा. विश्व पौडेल नियुक्ति गर्ने सहमति भएको छ।
