काठमाडौं । भारतले पाकिस्तानविरुद्ध हवाई आक्रमण थालेको छ ।
भारतले पाकिस्तान र पाकिस्तान अधीनस्थ काश्मीरका ९ स्थानमा हवाई आक्रमण गरेको हो । पाकिस्तानी सेनाले भने तीन स्थानमा आक्रमणमा भएको जनाएको छ । भारतको रक्षा मन्त्रालयले पाकिस्तानका विभिन्न स्थानमा आक्रमण भएको दाबी गरेको छ ।
भारतले पाकिस्तानमाथि आक्रमण थालेपछि दक्षिण एसियामै शान्ति खलबलिएको छ ।
यो हवाई आक्रमणपछि अन्तर्राष्ट्रिय समुदायले पनि प्रतिक्रिया जनाइसकेका छन् । अमेरिकी विदेशमन्त्री मार्क रुबियोले घटनालाई गम्भीरतापूर्वक लिएको बताएका छन् ।
कस्मिरको पहलगाममा आतंकवादीहरुले एक नेपालीसहित २६ जना पर्यटकको हत्या गरेपछि भारत र पाकिस्तानबीच तनाव चुलिएको हो ।
