काठमाडौँ । नेपाली कांग्रेसले तीनकुने घटनाका क्रममा कोटेश्वरस्थित भाटभटेनी सुपर मार्केटबाट रक्सीको बोतल चोर्ने कुन सहमहामन्त्रीको छोरा हो त्यो प्रमाणित गर्न चेतावनी दिएको छ ।
आइतबार प्रतिनिधिसभा बैठकमा बोल्दै कांग्रेसका प्रमुख सचेतक श्यामकुमार घिमिरेले राष्ट्रिय प्रजातन्त्र पार्टीका अध्यक्ष राजेन्द्र लिङ्देनलाई सो कुरा प्रमाणित गर्न चेतावनी दिएका हुन् ।
लिङ्देनको उक्त अभिव्यक्तिलाई रेकर्डबाट हटाउन माग गर्दै उनले भने, ‘कुन चाहि सहमहामन्त्रीको कुन चाहि छोराले रक्सीको बोत्तल बोकेर हिँड्नुभएको हो त्यो प्रमाण पेस गर्नुपर्छ। होइन भन्ने उहाँको भनाइ रेकर्डबाट हटाउनुपर्छ ।’
शुक्रबारको प्रतिनिधिसभा बैठकमा लिङ्देनले भाटभटेनीमा रक्सी चोर्नेमा कांग्रेस सहमहामन्त्रीका छोरा पनि रहेको प्रमाण रहेको बताएका थिए ।
