काठमाडौँ । आईपीएल २०२५ अब रोमाञ्चक मोडमा पुगेको छ । प्लेअफको लागि लडाई रोचक बनेको छ ।
बिहीबार रोयल च्यालेन्जर्स बैंगलोरसँग पराजित भएपछि राजस्थान रोयल्स प्लेअफ दौडबाट बाहिरिएको छ । अब प्लेअफमा पुग्न नौ टोलीबीच प्रतिस्पर्धा छ ।
यद्यपि, शुक्रबार चेन्नई सुपर किंग्स र सनराइजर्स हैदराबादबीचको खेलपछि अर्को टोलीको बाटो बन्द हुनेछ ।
राजस्थानले अब हरेक खेल जिते पनि अधिकतम १४ अंक पुग्न सक्नेछ, जबकि हालको अंक तालिकामा १६ वा सोभन्दा बढी अंक पुग्न सक्ने ६ टोलीहरू छन् । गुजरात टाइटन्स, आरसीबी र दिल्ली क्यापिटल्सलाई १६ अंक पुर्याउन बाँकी खेलबाट केवल दुई जित आवश्यक छ ।
मुम्बई इन्डियन्स, पञ्जाब किंग्स र लखनऊ सुपर जायन्ट्सले तीन–तीन खेल जित्नुपर्नेछ । कोलकाता नाइट राइडर्सले पनि बाँकी छ खेलबाट पाँच जितसहित १६ अंक पुर्याउन सक्छ । हैदराबाद र चेन्नईको अवस्था राजस्थानको जस्तै छ । आज हार्ने टोलीले अधिकतम १४ अंक मात्र पुर्याउन सक्नेछ । यद्यपि, विजेता टोलीका लागि भने प्लेअफ ढोका खुला रहनेछ ।
चेन्नई र हैदराबाद दुवैले बाँकी छ खेल जित्नुपर्नेछ । यद्यपि, आज यीमध्ये एउटाको ढोका बन्द हुनेछ । राजस्थान टोली प्लेआफ दौडबाट बाहिरिएको छ । आज चेन्नई र हैदराबाद चेपकमा आमनेसामने हुँदैछन् र हार्ने टोलीको यात्रा समाप्त हुनेछ ।
कमजोर नेट रन रेट पनि समस्याको कारण बन्न सक्ने भएकाले विजेता टोलीको लागि पनि अगाडिको बाटो सजिलो हुनेछैन ।
