पोखरा । गण्डकी प्रदेशमा थप ३८ जनामा कोरोना भाइरसको संक्रमण पुष्टि भएको छ । प्रदेश स्वास्थ्य निर्देशनालयका अनुसार क्षयरोग उपचार केन्द्र, पोखरा र पोखरा स्वास्थ्य बिज्ञान प्रतिष्ठान, पोखरामा गरिएको परिक्षणमा ६ जिल्लाका व्यक्तिमा संक्रमण पुष्टि भएको हो ।
संक्रमितमध्ये स्याङ्जाका ११, बाग्लुङका ६, तनहुँका ३, नवलपरासी (सुस्ता पुर्व)का १, लमजुङका ३ र कास्कीका १४ जना रहेका छन् । संक्रमित सबै स्वास्थ्यकर्मीको सम्पर्कमा रहेको र आईसोलेसन कक्षमा लैजाने तयारी भैरहेको डा. विनोद विन्दु शर्माले बताए ।
योसँगै गण्डकी प्रदेशमा कोरोना संक्रमितको संख्या एक हजार ४ सय ७९ पुगेको छ । जसमा एक हजार २ सय ३० जना उपचारपछि निको भैसकेका छन् ।