काठमाडौं । नेपाल प्रहरीका पूर्वप्रहरी प्रमुख प्रदीपशमशेर राणाको ७८ वर्षको उमेरमा निधन भएको छ ।
लामो समयदेखि स्वास्थ्य समस्यासँग जुधिरहेका राणाको शनिबार साँझ निधन भएको हो । राणाले नेपाल प्रहरीमा २०५७ देखि २०५९ सम्म नेतृत्व गरेका थिए ।
राणाको कार्यकालमा प्रहरीभित्र भौतिक संरचनाहरूको निर्माणका साथै उनकै कार्यकालमा दरबार हत्याकाण्ड भएको थियो ।
राणाको आज बिहान ११ बजे पशुपतिनाथ आर्यघाटमा अन्तिम संस्कार गरिने परिवारले जनाएको छ ।
