काठमाडौं । पछिल्लो केही दिनयता कोरोना भाइरसको संक्रमण बढ्दै गएपछि त्यसको न्यूनिकरणका लागि काठमाडौं उपत्यकामा राजनीतिक भेला र महोत्सव गर्न रोक लगाइएको छ । मंगलबार बसेको काठमाडौं उपत्यकाका तीन सीडीओहरुको बैठकले मंगलबार मध्यरातदेखि लागू हुने गरी अर्को आदेश नआएसम्म यस्तो निर्णय गरेका हुन् ।
सभा सम्मेलन गर्नैपरे प्रशासनको अनुमति लिनुपर्ने आदेशमा उल्लेख गरिएको छ । यस्तै, माघ १५ गतेसम्म भौतिक उपस्थितीमा पठनपाठनमा रोक लगाउने निर्णय समेत सो बैठकले गरेको छ ।
