एजेन्सी । मुम्बई अपराध शाखाले अंधेरी क्षेत्रबाट लरेन्स गिरोहका ५ सदस्यलाई पक्राउ गरेको छ । उनीहरुको साथबाट ७ थान पेस्तोल र २१ थान कारतूस बरामद गरिएको छ ।
बुधबार अप्रिल २ मा यो जानकारी दिँदै प्रहरीले सेलिब्रेटीलाई गिरोहको निशाना भएको आशंका गरेको बताएको छ ।
विशेष सूचनाका आधारमा क्राइम ब्रान्चको टोलीले लरेन्स गिरोहका सदस्यलाई शनिबार पक्राउ गरेको अपराध शाखाका अधिकारीले बताए । उनीहरुले हतियार किन बोकेको भन्नेबारे अनुसन्धान भइरहेको छ ।
पक्राउ पर्नेमा विकास ठाकुर उर्फ विक्की, सुमितकुमार दिलावर, श्रेयस यादव, देवेन्द्र सक्सेना र विवेक गुप्ता रहेका छन् । उनीहरु सबै राजस्थान, बिहार र उत्तर प्रदेशका बासिन्दा हुन् ।
सलमान खानलाई लरेन्स ग्याङबाट लगातार धम्की आइरहेको छ । यस्तो अवस्थामा ५ गिरोहका सदस्य पक्राउ र उनीहरुबाट हतियार बरामद भएपछि सलमान खानको सुरक्षालाई लिएर ठूलो खतराको रुपमा हेरिएको छ ।
