काठमाडौं । नेपाल विद्युत् प्राधिकरणका कार्यकारी प्रमुख कुलमान घिसिङलाई पदमुक्त गरिएपछि प्राधिकरणबाहिर ठूलो संख्यामा प्रहरी परिचालन गरिएको छ ।
घिसिङलाई हटाएको विरोधमा विभिन्न संगठनहरु आन्दोलनमा उत्रिने भएपछि सम्भावित घटनालाई मध्यनजर गर्दै विद्युत् प्राधिकरणको सुरक्षा व्यवस्था कडा बनाइएको हो ।
प्राधिकरणबाहिर ठूलो संख्यामा नेपाल प्रहरी र सशस्त्र प्रहरीहरु खटिएका छन् ।
सोमबार साँझ बसेको मन्त्रिपरिषदको बैठकले विद्युत प्राधिकरणका कार्यकारी निर्देशक घिसिङलाई हटाएर हितेन्द्रदेव शाक्यलाई नियुक्त गरेको थियो । सरकारले घिसिङमाथि गरेको कारबाहीप्रति चौतर्फी विरोध भइरहेको छ ।
