काठमाडौं । काठमाडौं उत्यकामा थप १ सय ३९ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका प्रवक्ता डाक्टर जागेश्वर गौतमले पछिल्लो २४ घण्टामा उपत्यकामा १ सय ३९ जनामा संक्रमण पुष्टि भएको जनाए।
संक्रमितमध्ये काठमाडौंका १०९, ललितपुरका २१ र भक्तपुरका ९ जना छन्।
उनीहरूको उपत्यकाका विभिन्न प्रयोगशालाहरूमा परीक्षण गरिएको हो।
यो अहिलेसम्म उपत्यकामा एकैदिन देखिएको धेरै संक्रमित संख्या हो। यसअघि हिजोमात्र १ सय ३४ जनामा कोरोना संक्रमण देखिएको थियो।
