
काठमाडौँ । प्रहरीले लाइसेन्सको लिखित परीक्षा र ट्रायल पास गराइदिन्छु भन्दै आश्वासन दिई पैसा मागेर दुःख दिने समूहलाई पक्राउ गरेको छ ।
काठमाडौँको गोकर्णेश्वर–७ स्थित एक ट्रायल सेन्टरमा सेवाग्राहीहरुलाई लाइसेन्सको लिखित परीक्षा र ट्रायल पास गराइदिन्छु भन्दै दुःख दिएर हैरान पार्ने १४ जनालाई नियन्त्रणमा लिएको हो ।
उनीहरुमाथि प्रहरीले अभद्र व्यवहार कसुरमा अनुसन्धान गरी जिप्रका काठमाडौँबाट प्रत्येकसँग १० हजार धरौटी मागेर रिहा गरिएको प्रहरीले जनाएको छ ।