एजेन्सी । बम्बे हाई कोर्टले क्रिकेटर युजवेन्द्र चहल र उनकी श्रीमती धनश्री वर्माको सम्बन्धविच्छेदको निवेदनमा भोलि नै फैसला गर्न पारिवारिक अदालतलाई आदेश दिएको छ ।
न्यायाधीश माधव जमदारको एकल इजलासले चहल आइपिएलमा सहभागी हुने भएकाले २१ मार्चदेखि उनी उपलब्ध हुनेछैनन् ।
सहमतिको शर्त अनुसार, चहलले आफ्नी अलग्गिएकी श्रीमतीलाई स्थायी भत्ताको रूपमा ४ करोड ७५ लाख रुपैयाँ तिर्न सहमत भएका थिए । यद्यपि, क्रिकेटरले अहिलेसम्म २ करोड ३७ लाख ५५ हजार रुपैयाँ मात्र तिरेको बताइएको छ । बाँकी रकम भुक्तानी नगर्नुलाई अदालतले अनुपालनको विषयको रूपमा हेरेको थियो, त्यसैले कुलिङ–अफ निवेदन खारेज गरियो ।
बम्बे हाई कोर्टले यस मामिलामा ६ महिनाको कुलिङ अफ पिरियड पनि माफ गरेको छ । उच्च अदालतले यस्तो आदेश दिँदै दुवै जना विगत साढे दुई वर्षदेखि छुट्टाछुट्टै बस्दै आएको र समाधानका लागि वार्ता पनि भएको बताएको छ ।
पछिल्लो समय दुवै गत साढे दुई वर्षदेखि अलग बस्दै आएको खबर आएको थियो । लामो समयदेखि सामाजिक सञ्जालमा चहल र उनकी श्रीमती धनश्रीबीच सम्बन्धविच्छेद भएको हल्ला चलिरहेको थियो । यद्यपी चहल र धनश्रीको आधिकारिक बयान भने आएको छैन ।
युजवेन्द्र चहलले आधा रकम धनश्रीलाई दिएको भन्दै पारिवारिक अदालतमा निवेदन दिएका थिए । कूलिङ पिरियड अर्थात् सम्बन्धविच्छेदको निवेदनपछि श्रीमान्–श्रीमतीलाई ६ महिनाको लागि केही समय सँगै बस्न आदेश दिइएको छ । जसमा दुवै पक्षलाई सम्बन्धविच्छेदका विषयमा फेरि सोच्न समय दिइएको छ ।
धनश्री वर्माले झलक दिखला जा–११ को एपिसोडमा युजवेन्द्र चहलसँगको आफ्नो प्रेमकथाको खुलासा गरेकी थिइन् । उनले लकडाउनको समयमा चहलले कसरी डान्स सिक्न आफूसँग सम्पर्क गरेको बताए । यसपछि धनश्री उनलाई नृत्य सिकाउन राजी भइन् । पछि दुवै एक अर्काको प्रेममा परे ।
सन् २०२३ मा युजवेन्द्र चहलले आफ्नो सामाजिक सञ्जालमा एउटा स्टोरी सेयर गरेका थिए, जसमा लेखिएको थियो, नयाँ जीवन आउँदैछ । यसपछि अभिनेत्री धनश्रीले इन्स्टाग्राममा आफ्नो प्रयोगकर्ता नामबाट चहल उपनाम हटाएकी थिइन् ।
यसपछि उनीहरुको सम्बन्धविच्छेदको हल्लाले तीव्रता पाएको थियो । तर, क्रिकेटरले पछि सम्बन्धविच्छेदको खबरलाई अफवाह भनेका थिए ।
युजवेन्द्र अहिले भारतीय टोलिबाट बाहिर छन् । उनी २०२४ को टी–२० विश्वकप जित्ने टोलीमा थिए तर उनले एक खेल पनि खेल्ने मौका पाएनन् । उनले भारतका लागि जनवरी २०२३ मा अन्तिम ओडीआई खेलेका थिए भने अन्तिम टी–२० अगस्ट २०२३ मा खेलेका थिए । यसपछि पनि उनलाई पञ्जाब किङ्सले आईपीएल २०२५ को लिलामीमा १८ करोडमा किनेको थियो ।
