काठमाडौं । नेपाली सेनाले सिन्धुपाल्चोकको जुगल गाउँपालिका वडा नं।२ मा गएको पहिरोमा परि हराइरहेका व्यक्तिहरुको खोजी कार्य जारी राखेको छ ।
नेपाली सेनाको गोरखबक्स गणको खोज तथा उद्धार टोलीले सशस्त्र प्रहरी बल नेपाल, नेपाल प्रहरी, स्थानीय वासिन्दालगायत अन्य निकायहरुको सहयोगमा हालसम्म चार जना महिला, तीन जना पुरुष, पाँच जना बालिका र सात जना बालक गरि जम्मा १९ जनाको शव फेला पारेको छ ।
सेनाले उक्त पहिरोमा परि हराइरहेका २० जनाको खोजी कार्य जारी राखेको छ । ३० र ३१ गते नेपाली सेनाको एमआई–१७ हेलिकप्टरद्वारा खाद्यान्न, लत्ता कपडा, पाल लगायत अत्यावश्यक राहत सामग्री ढुवानी गरी उक्त स्थानमा पुर्याएको छ । 
