काठमाडौँ । नक्कली भुटानी शरणार्थी प्रकरणमा पुर्पक्षका लागि कारागारमा रहेका पूर्वगृहसचिव टेकनारायण पाण्डेको बन्दी प्रत्यक्षीकरण रिट खारेज भएको छ ।
सोमबार न्यायाधीशद्वय कुमार चुडाल र महेश शर्मा पौडेलको संयुक्त इजलासले रिट खारेज गरेको हो ।
नक्कली भुटानी शरणार्थी प्रकरणमा प्रहरीले उनलाई गत वैशाखमा पक्राउ गरेको थियो । काठमाडौँ जिल्ला अदालतले असार १ मा उनीसहित १६ जनालाई पुर्पक्षका लागि जेल पठाउने आदेश गरेको थियो ।
पाण्डेकी श्रीमती मञ्जु पाण्डेले गत फागुन ११ गते सर्वोच्चमा बन्दी प्रत्यक्षीकरणको रिट दायर गरेकी थिइन् ।
