काठमाडौँ । स्पेनिस फुटबल लिग ला लिगा अन्तर्गत बार्सिलोनाले जित निकालेको छ ।
गएराति भएको खेलमा बार्सिलोनाले एट्लेटिको मड्रिडलाई उसकै घरेलु मैदानमा ४–२ गोलले हराएको हो । दुई गोलले पछि परेको अवस्थामा बार्सिलोनाले नतिजा उल्टाउँदै रोमाञ्चक जित निकाल्यो ।
खेलको ४५ औं मिनेटमा युलियन अल्भारेजले र ७० औं मिनेटमा अलेक्जान्डर सोर्लोथले गोल गर्दै घरेलु टोलिलाई दुई गोलको अग्रता दिलाएका थिए । तर, ७२ औं मिनेटमा रोबर्ट लेवान्डोस्कीले गोल गर्दै बार्सिलोनालाई १–२ को अवस्थामा ल्याए ।
७८ औं मिनेटमा फेरान टोरेसले गोल गर्दै बार्सिलोनालाई २–२ को बराबरीमा ल्याए । त्यसपछि इन्जुरी समयमा बार्सिलोनाले दुई गोल गर्यो । लामिने यामल र फेरान टोरेसले व्यक्तिगत दोस्रो तथा टोलिका लागि चौंथो गोल गर्दै बार्सिलोनालाई ४–२ को जित दिलाए ।
जितसँगै बार्सिलोना अंक तालिकाको शीर्षस्थानमा उक्लिएको छ । उसको २७ खेलबाट ६० अंक छ । एक खेल बढी खेलेको रियल मड्रिड समान अंकका साथ दोस्रो स्थानमा छ भने समान खेलबाट ५६ अंक जोडेको एट्लेटिको तेस्रो स्थानमा छ ।
