काठमाडौँ । इंग्लिस प्रिमियर लिग फुटबलमा म्यान्चेस्टर युनाइटेडले सहज जित निकालेको छ ।
गएराति भएको खेलमा युनाइटेडले लेस्टर सिटीलाई उसकै घरेलु मैदानमा ३–० गोलले हराएको हो । युनाइटेडको जितमा रास्मस होलण्ड, अलेजान्ड्रो गर्नाचो र ब्रुनो फर्नान्डेजले गोल गरे ।
युनाइटेड २९ खेलबाट ३७ अंकका साथ तालिकाको १३ औं स्थानमा छ भने लेस्टर १७ अंकका साथ १९ औं स्थानमा छ ।
यस्तै, गएराति नै भएको अर्को खेलमा टोटेनहमले हार ब्यहोर्यो । टोटेनहम फुलहमसँग २–० गोलले पराजित भएको हो । यता, घरेलु टोलिको जितमा खेलको ७८ औं मिनेटमा रोड्रीगो मुनिज र ८८ औं मिनेटमा रायन सेसेग्ननले गोल गरे ।
यो नतिजापछि फुलहम २९ खेलबाट ४५ अंकका साथ तालिकाको आठौं स्थानमा छ भने टोटेनहम ३४ अंकका साथ १४ औं स्थानमा छ ।
