काठमाडौं । नेकपा माओवादी केन्द्रका अध्यक्ष पुष्पकमल दाहालले फागु अर्थात् होलीले पर्वले समुदायलाई एकताबद्ध गर्न सहयोग पुर्याउने बताउनुभएको छ ।
होलीको शुभकाना दिँदै अध्यक्ष दाहालले रंगहरुको पर्व होलीले सबै वर्ग, जाति, भाषा, भूगोल र संस्कृतिको भावना एवं अन्तर्घुलनलाई प्रतिनिधित्व गर्ने बताउनुभएको हो । उहाँले अनेकतामा एकता र राष्ट्रिय स्वाभिमान हाम्रो साझा पहिचान भएको समेत शुभकामना सन्देशमा लेख्नुभएको छ ।
उहाँले भन्नुभएको छ– ‘प्रत्येक जातजाति र धर्मावलम्बीहरूका आ–आफ्नै सास्कृतिक महत्व बोकेका मौलिक परम्परा र पर्वहरू छन । हाम्रा चाडपर्वहरूले समुदायबीच सद्भाव बढाउँछन । समुदायलाई एकताबद्ध गर्न सघाउँछन । विभिन्न धर्म, भाषा र संस्कृति मान्ने समुदायहरूलाई आ–आफ्ना मौलिक परम्परा र संस्कृतिको अनुसन्धान, संरक्षण र सम्बर्धन एवं फरक जाति र समुदायको संस्कृति र आत्मस्वाभिमानको सम्मान गर्न अभिप्रेरित गर्दछन ।’
आज पहिलो दिन हिमाली र पहाडी क्षेत्र तथा भोलि दोस्रो दिन तराई–मधेशमा हर्षोल्लासका साथ होली पर्व मनाइँदै छ ।
