काठमाडौँ । उपप्रधानमन्त्री एवं अर्थमन्त्री विष्णु पौडेलले व्यवसायिक क्षेत्रमा संकुचन आएको कारण आर्थिक तथा व्यवसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक ल्याएको दाबी गर्नुभएको छ ।
प्रतिनिधि सभाको बुधवारको बैठकमा ‘आर्थिक तथा व्यवसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक,२०८१’ प्रश्तुत गर्न अनुमति माग्ने प्रश्तावमाथि सांसदहरुको विरोधको सुचना राखेपछि बोल्दै उहाँले यस्तो दाबी गर्नुभएको हो । उक्त विधेयकले मुलुकमा लगानीको वातावरण सिर्जना गरी लगानी अभिवृद्धिमा टेवा पुग्ने मन्त्री पौडेलको विश्वास छ ।
उहाँले लामो समयदेखि निजी क्षेत्रले व्यवसायिक वातावरण निर्माण नभएको गुनासो आएको कारण अध्यादेशमार्फत उक्त विधेयक ल्याउनु परेको बताउनु भयो ।
उहाँले भन्नुभयो, ‘यस विधेयकले आर्थिक एवं लगानीको वातावरण सुधार गर्नेछ । यस लगानी अभिवृद्धिका लागि अनुकुल वातावरण निर्माणन गर्नेछ । विधेयकको सन्दर्भमा जुन प्रकारको प्रतिक्रिया सार्वजनिक भइरहेको छ त्यसले नै यो कुरा बोलेको छ । त्यसकारण आरोपबाट निष्कन पनि म आग्रह गर्न चाहान्छु । यो विधेयक व्यवसायिक वातावरण निर्माणका लागि ल्याइएको हो । लगानीमा एक प्रकारको संकुचनको स्थिति देखा पर्यो । व्यवसायिक वातावरण भएन भनेर निजी क्षेत्रले समस्याहरु राखे त्यो समस्या समाधान गर्ने हिसावले आएको छ । ’
सो विधेयकले मुलुकलाई समृद्धितिर अगाडि बढ्न सहयोग पु¥याउने मन्त्री पौडेलको भनाइ छ ।
