काठमाडौँ । दुबईमा आइतबार भएको खेलमा भारतले न्यूजिल्याण्डलाई ४ विकेटले हराउँदै तेस्रो पटक च्याम्पियन्स ट्रफीको उपाधि जित्यो । पदक समारोहमा खेलाडीसँगै सेतो ब्लेजरले पनि सबैको ध्यान तान्यो ।
तर, च्याम्पियन भारतले किन लगायो सेतो ब्लेजर ? यसबारे सबैको चासो हुन सक्छ । यसबारे यहाँ चर्चा गरौँ । यो सम्मानको प्रतीक हो, जुन उत्कृष्ट एकदिवसीय टोलीलाई दिइन्छ ।
च्याम्पियन्स ट्रफीमा विश्वका उत्कृष्ट ८ टोली सहभागी हुन्छन् । विजेताले सेतो ब्लेजर लगाउँछ । आईसीसीका अनुसार यो ज्याकेट उत्कृष्टताको प्रतीक हो, जसले आगामी पुस्तालाई प्रेरणा दिन्छ ।
यो पहिलो पटक २००९ सिजनमा च्याम्पियन बनेको अस्ट्रेलियाली टोलीले लगाएको थियो । अष्ट्रेलियाले च्याम्पियन्स ट्रफीमा लगातार दोस्रो उपाधि जितेको थियो ।
यो सेतो ब्लेजर मुम्बईकी फेसन डिजाइनर बबिता एम द्वारा डिजाइन गरिएको हो । ज्याकेट इटालियन ऊन, सुनको ब्रान्डिङ र च्याम्पियन्स ट्रफीको लोगोसहितको सुनको कढाईबाट बनेको छ ।
पाकिस्तानका पूर्व क्रिकेटर वासिम अक्रमले जनवरी १४ मा सेतो ब्लेजर लन्च गरेका थिए । उनले यसलाई प्रतिभा र विरासतको प्रतीकको रूपमा पनि वर्णन गरे । उनले भने, ‘सेतो ज्याकेटले उच्च स्तरमा खेलेका खेलाडीलाई सम्मान गर्दै उनीहरुमा उत्साह पैदा गर्छ ।’
