काठमाडौँ । स्पेनी फुटबल क्लब बार्सिलोना च्याम्पियन्स लिगको क्वाटरफाइनलमा प्रवेश गरेको छ ।
गएराति भएको दोस्रो लेगको खेलमा पोर्चुगिज क्लब बेन्फिकालाई ३–१ गोलले हराउँदै समग्रमा ४–१ को नतिजासहित बार्सिलोनाले अन्तिम आठमा स्थान बनाएको हो ।
घरेलु मैदान क्याम्प नोउमा बार्सिलोनालाई जित दिलाउन राफिन्हाले दुई तथा लामिने यामलले एक गोल गरे । बेन्फिकाका निकोलास ओतामेन्डीले एक गोल फर्काए ।
यस्तै, गएराति नै भएको अर्को खेलमा शहरी प्रतिद्वन्द्वी लेभरकुसेनमाथि २–० को जित निकाल्दै समग्रमा ५–० को नतिजासहित बायर्न म्युनिख पनि क्वाटरफाइनलमा प्रवेश गरेको छ ।
लेभरकुसेनकै घरेलु मैदानमा बायर्नलाई जित दिलाउन ह्यारी केन र अल्फोन्सो डेभिसले एक–एक गोल गरे । यसअघि भएको पहिलो लेगको खेलमा बायर्न घरेलु मैदानमा ३–० गोलले विजयी भएको थियो । बायर्नले क्वाटरफाइनलमा इन्टर मिलानको सामना गर्नेछ ।
यो नतिजासँगै पराजित बेन्फिका र लेभरकुसेन प्रतियोगिताबाट बाहिरिएका छन् ।
