काठमाडौँ । १६ औं राष्ट्रिय मानवअधिकार महाभेला—२०८१ प्रतिवेदन सार्वजनिक भएको छ ।
शुक्रवार ललितपुरमा एक कार्यक्रमबीच प्रतिवेदन सार्वजनिक भएको हो । कार्यक्रममा बोल्दै राष्ट्रिय मानव अधिकार आयोगका अध्यक्ष तपबहादुर मगरले भाषिक रुपमा लैङ्किग समानताका प्रगतिको अनुगमन, मूल्याकन गर्न जरुरी रहेको बताउनु भयो । उहाँले महिलाको विकास, सशक्तिकरणमा जोड दिनुपर्ने बताउनु भयो । उहाँले आयोगका सिफारिसहरु पूर्ण रुपमा कार्यान्वयन गर्नुपर्नेमा जोड दिनुभयो । उहाँले सरकारले लैङ्किग समानताको नीति लागू गर्नुपर्ने बताउनु भयो ।
उहाँले भन्नुभयो, ‘हाम्रा सिफारिसहरु पूर्ण रुपमा कार्यान्वयन हुन सकिरहेका छैनन् । यो दुःखलाग्दो विषय छ । हामी लागि रहेका छौँ । हामी कसरी पूर्ण रुपमा सिफारिस कार्यान्वयन गराउनसक्छौँ भनेर लागि रहेका छौँ । सरकारको लैङ्किग समानताको नीति लागू गर्नुपर्छ । त्यो कुरा प्रतिवेदनमा उल्लेख छ । लैङ्गिक मुल प्रवाहीकरणमा गति दिनुपर्छ । लैङ्किग संवेदनशिल सूचकहरुको विकास गर्नुपर्छ । भाषिक रुपमा लैङ्किग समानताका प्रगतिको अनुगमन, मूल्याकन गर्नुपर्छ । महिलाको विकास, सशक्तिकरणमा जोड दिनुपर्छ ।’
उहाँले मानव अधिकारमाथि देखिने चुनौतिहरु सबै मिलेर समाधान गर्नुपर्ने बताउनु भयो ।
