काठमाडौं । भारतीय फुटबलर सुनिल क्षेत्रीले सन्यास फिर्ता लिएका छन् ।
गत जेठमा सन्यासको घोषणा गरेका ४० वर्षीय क्षेत्रीले फेरि भारतीय टिमबाट खेल्ने भएका हुन् ।
क्षेत्रीले पछिल्लोपटक भारतका लागि गत जुन ६ मा कुवेतविरुद्ध खेलेका थिए । भारतको सिनियर टोलीबाट १५० खेल खेलेका उनले कुल ९४ गोल गरेका छन् ।
१२ जुन २००५ मा भारतका लागि डेब्यु गरेका उनी अन्तर्राष्ट्रिय फुटबलमा सर्वाधिक गोलकर्ताको सूचीमा चौथो नम्बरमा रहेका छन् ।
सन्यास फिर्ता लिएसँगै क्षेत्री मार्चमा फिफा विन्डोका दौरान हुने खेलका लागि भारतीय टोलीमा पनि परेका छन् । भारतले एएफसी एसियन कपको छनोट प्रतियोगीताअन्तरेगत मार्च २५ तारेखमा बंगलादेशविरुद्ध खेल्दैछ ।
