काठमाडौँ । वन तथा वातावरणमन्त्री ऐनबहादुर शाही ठकुरीले वन तथा वातावरण क्षेत्र चुनौतिपूर्ण बन्दै गएको बताउनुभएको छ ।
मंगलवार नेपाल वन प्राविधिक संघको स्वर्ण महोत्सवको अवसरमा ललितपुरमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो ।
उहाँले वन तथा वातावरण अहिलेको हिसावले अझै चुनौतिपूर्ण बन्दै गएको बताउनु भयो । उहाँले नेपालको वन क्षेत्र ४६ प्रतिशत पुगिरहेको बताउनु भयो । उहाँले वनको विकासको संरक्षणर संवद्र्धन गर्न सरकारले आफ्ना योजनाहरु बनाएर काम गरिरहेको बताउनु भयो । उहाँले नेपाल वन प्राविधिक परिषद् बनाउने कुरामा सरकारले आवश्यक गृहकार्य गरिरहेको र चाँडै परिषद् गठन गरेर वन प्राविधिकका समस्या समाधान गरेको बताउनु भयो ।
मन्त्री ठकुरीले भन्नुभयो, ‘वन तथा वातावरण अहिलेको हिसावले अझै चुनौतिपूर्ण बन्दै गएको छ । विश्वको हिसावले हेर्ने हो भने नेपाल अत्यन्तै हामी अहिले ४५ प्रतिशतबाट करिव ४६ प्रतिशतमा पुगिरहेका छौँ । वनको विकास महत्वपूर्ण रुपमा बढ्दै गइरहेको छ । अब हामीमाथि यसको संरक्षण र संवद्र्धन कसरी गर्ने ? अहिलेको परिवेशमा मानव–वन्यजन्तुको द्वन्द्व त्यही हिसावले बढिरहेको छ । यसलाई कसरी न्युनिकरण गर्ने? कसरी गर्नसकिन्छ, कसरी व्यवस्थित गर्न सकिन्छ? यसमा पनि यहाँहरुको सुझाव र सल्लाह महत्वपूर्ण छ । दिन प्रतिदिन जलवायु परिवर्तनका असर र यसका प्रभावहरुले झनै कठिन समस्या व्यहोर्नु परिरहेको छ । वन तथा वातावरण मन्त्रालय वन प्राविधिकहरुको सल्लाह र सुझावको अपेक्षा गर्दछ । समन्वय र सहकार्यका साथ अघि बढ्नेछौँ । यहाँहरुले उठाउँदै आएको आवाज नेपाल वन प्राविधिक परिषद् बनाउने कुरा छ । त्यो अहिले प्रक्रियामा रहेको छ । हामी चाँडै नै यसलाई निस्कर्षमा पु¥याएर नेपाल वन प्राविधिक परिषद् निर्माण गरेर यहाँहरुका हक, अधिकार र आवाज सुनिश्चित गर्ने कुरामा वन मन्त्रालय प्रतिवद्ध छ ।’
मन्त्री ठकुरीले दिन प्रतिदिन जलवायु परिवर्तनका असर र प्रभावहरुले बढिरहेको बताउनु भयो ।
