एजेन्सी । आईसीसी च्याम्पियन्स ट्रफी २०२५ को समूह चरणको अन्तिम खेलमा आज भारत र न्युजिल्याण्ड भिड्दैछन् । दुवै टोली यसअघि नै सेमिफाइनलमा पुगिसकेका छन् । विजेता टोलीले तालिकाको शीर्ष स्थानमा रहँदै सेमिफाइनलमा अष्ट्रेलियासँग खेल्नेछ । हार्ने टोलीले दक्षिण अफ्रिकाको सामना गर्नेछ ।
जारी प्रतियोगीतामा भारतले पहिलो खेलमा बंगलादेशलाई र दोस्रो खेलमा पाकिस्तानलाई हराएको थियो । यस्तै, न्युजिल्यान्डले पनि पहिलो खेलमा पाकिस्तान र दोस्रो खेलमा बंगलादेशलाई हराएको थियो ।
च्याम्पियन्स ट्रफीमा दुवै टोली दोस्रो पटक आमनेसामने हुँदैछन् । यसअघि सन् २००० मा न्युजिल्यान्डले प्रतियोगिताको फाइनलमा भारतलाई पराजित गर्दै उपाधि जितेको थियो ।
हेड टु हेडः ओडिआईमा भारत अगाडि
दुई टोलीबीच हालसम्म ११८ ओडीआई खेलिएको छ । जसमा भारतले ६० खेल जितेको छ भने न्युजिल्यान्डले ५० खेल जितेको छ । ७ खेलमा नतिजाबिहिन हुँदा एक खेल बराबरी रह्यो ।
दुबै टोलीको सम्भावित प्लेइङ–११ः
भारत: रोहित शर्मा (कप्तान), शुभमन गिल, विराट कोहली, श्रेयस अय्यर, केएल राहुल, हार्दिक पाण्ड्या, अक्षर पटेल, रवीन्द्र जडेजा, कुलदीप यादव, मोहम्मद शामी र हर्षित राना।
न्यूजिल्याण्डः मिचेल सान्टनर (कप्तान), विल यंग, डेभोन कोनवे, केन विलियम्सन, रचिन रविन्द्र, टम लाथम, ग्लेन फिलिप्स, माइकल ब्रेसवेल, काइल जेमिसन, म्याट हेनरी, विलियम ओुरुर्के।
