काठमाडौं । मौसम एकाएक गडबड भएपछि त्रिभुवन विमानस्थलबाट अन्तर्राष्ट्रिय उडानहरु आज बिहानदेखि अबरुद्ध भएका छन् ।
राष्ट्रसंघको जेनेभामा भएको बैठकमा भाग लिएर नेपाल फर्कदै गरेकी परराष्ट्रमन्त्री डा आरजु राणा देउवा चढ्नु भएको कतार एयरवेजको विमान त्रिभुवन विमानस्थलमा अवतरण हुन नसकी कोलकाता डाइभर्ट भएको छ ।
परराष्ट्र स्रोतका अनुसार, कतार एयरवेजको जहाज दोहाबाट काठमाडौं आउँदै थियो । अन्य जहाजहरु पनि विमानस्थलमा ल्यान्ड गर्न नसकेको विमानस्थल कार्यालयले जनाएको छ ।
पश्चिमी न्यूनचापीय प्रणालीको प्रभाव स्वरुप राजधानीका केही ठाउँमा आज विहान हल्का वर्षा पनि भएको छ र आकाश धुम्म छ ।
