काठमाडौँ । नेपाली सुनचाँदी बजारमा आज साता कारोबारको अन्तिम दिन शुक्रबार सुनको मूल्य घटेको छ ।
आज एकैदिन प्रतितोला दुई हजार दुई सय रुपैयाँले घटेको नेपाल सुनचाँदी व्यवसायी महासंघले जनाएको छ ।
यससँगै आज छापावाल सुनको मूल्य प्रतितोला एक लाख ६८ हजार एक सय रुपैयाँमा कारोबार भईरहेको छ । बिहिबार उक्त सुन प्रतितोला एक लाख ७० हजार तीन सय रुपैयाँमा कारोबार भएको थियो ।
यस्तै, शुक्रबार चाँदीको मूल्य पनि घटेको छ । आज चाँदी प्रतितोला तीस रुपैयाँले घटेर १ हजार ९१५ रुपैयाँमा कारोबार भईरहेको महासंघले जनाएको छ ।
