काठमाडौं । कोरोना भाइरसको संक्रमणबाट पाटन अस्पतालमा दुई जना संक्रमितको मृत्यु भएको छ ।
मृत्यु हुनेमा काठमाडौंकी ५१ र भक्तपुरकी ६२ वर्षीया दुई महिला रहेको र दुबैजनाको आइसियूमा उपचारको क्रममा मृत्यु अस्पतालका निर्देशक डा. रवि शाक्यले बताएका छन्।
गत साउन ३० गते अस्पताल भर्ना भएकी काठमाडौंकी महिलाको शुक्रबार राति साढे ९ बजे मृत्यु भएको थियो भने उनमा उच्च रक्तचापको समस्या रहेको डा. शाक्यले बताए ।
यस्तै गत भदौं ८ गते भर्ना भएकी भक्तपुरकी महिलामा भने अरु कुनै समस्या नरहेको शाक्यले बताए। उनको शनिबार बिहान ६ बजे मृत्यु भएको हो ।
मृतकमध्ये काठमाडौंकी महिलाको भने हिजै शव व्यवस्थापन गरिएको र भक्तपुरकी महिलाको भने शव व्यवस्थापन गर्ने तयारी गरिएको छ।
