काठमाडौं । देशमा जारी रहेको कोरोना भाइरसको महामारीबाट शनिबारमात्र एकै दिन २० जनाको ज्यान गएको पुष्टि भएको छ । कोरोना भाइरसको संक्रमणबाट एकैदिन २० जनाको मृत्यु भएको पुष्टि भएको विभिन्न अस्पतालहरुबाट प्राप्त भएको समाचारमा जनाइएको छ ।
यसरी मृत्यु हुनेमा पर्सा र महोत्तरीका ३/३ जना, काठमाडौं, भक्तपुर र ललितपुरका २/२ जना, सिराहा, पाल्पा, कास्की, गोरखा, बारा, मोरङ, रौतहट र नवलपुरका एक एक जनाको मृत्यु भएको छ ।
तर आज अपरान्ह स्वास्थ्य तथा जनसख्या मन्त्रालयले दिएको नियमित प्रेस ब्रिफिङका क्रममा भने १२ जनाको मात्र मृत्यु भएको जानकारी दिइएको थियो । तर त्यसपछि अरुको मृत्यु पुष्टि भएको छ । मन्त्रालयको सो प्रेस नोटमा दिइएकोमा महोत्तरीका ३, पर्सा, बारा, मोरङ, रौतहट र नवलपुरका एकएक जनाको तथ्यांक भने जोड्न बाँकी रहेको देखिएको छ ।
