काठमाडौं । मन्त्रिपरिषद्को आइतबारकाे बैठकले मुलुकमा काेराेनाभाइरसकाे संक्रमण अझ तिब्र भएकाे जनाउँदै लामो, मध्यम तथा छोटो दूरीको सार्वजनिक बस सेवा र आन्तरिक हवाई उडान भदौ मसान्तसम्म चल्न राेक लगाएकाे छ ।
यसअघि भदौ १५ गतेदेखि लामो, मध्यम तथा छोटो दूरीको सार्वजनिक बस सेवा र आन्तरिक हवाई उडान सञ्चालन गर्ने मन्त्रिपरिषद्ले निर्णय गरेको थियो ।
यसैगरी मन्त्रिपरिषद् बैठकले हङकङको महावाणिज्यदूतमा उदयबहादुर रानामगरलाई नियुक्त गरेको छ । रानामगर यसअघि झापाको प्रमुख जिल्ला अधिकारी थिए ।
