काठमाडौँ। भारत तर्फ लैजान लागिएको साढे १४ किलोभन्दा बढी चरेशसहित कपिलवस्तुको कृष्णनगर नगरपालिका नजिकैबाट तीन जना पक्राउ परेका छन्।
सुराकीका आधारमा प्रहरीले भारत जाँदै गरेका दुई महिला र एक पुरुषलाई जाँच गर्दा १४ किलो ७ सय ७४ ग्राम चरेश सहित रोल्पाको थवाङ गाउँपालिका–५ की प्रेमसरी रोका, रुकुम पूर्वको भुमे गाउँपालिका–२ की सरिता पुन मगर तथा कपिलवस्तुको शिवराज नगरपालिका–९, बनियाभारका सुकलाल घर्तीमगरलाई प्रहरीले पक्राउ गरेको हो।
तीनै जना कम्मरमा सेतो कपडाले चरेश बाँधेर भारततर्फ जान लागेको अवस्थामा पक्राउ परेका हुन्। प्रहरीले प्रेमसरी रोकाबाट ६ किलो, सरिता पुन मगरबाट साढे ५ किलो र सुकलाल घर्तिबाट ३ किलो २ सय ग्राम चरेश बरामद गरेको जनाएको छ।
प्रहरीले पक्राउ परेकाहरूलाई अदालतबाट १० दिनको म्याद थप गरी अनुसन्धान अघि बढाएको छ।
