काठमाडौँ । नेपाली सुनचाँदी बजारमा सोमबार पनि सुनको मूल्य बढेको छ ।
आइतबार प्रतितोला तीन सय रुपैयाँले बढेको सुनको मूल्य सोमबार पाँच सय रुपैयाँले बढेको नेपाल सुनचाँदी व्यवसायी महासंघले जनाएको छ ।
यससँगै, सोमबार छापावाल सुनको मूल्य प्रतितोला एक लाख ७० हजार आठ सय रुपैयाँमा कारोबार भईरहेको छ । आईतबार उक्त सुन प्रतितोला एक लाख ७० हजार तीन सय रुपैयाँमा कारोबार भएको थियो ।
यसैगरी सोमबार चाँदीको मूल्य पनि बढेको छ । आज चाँदी प्रतितोला १५ रुपैयाँले बढेर एक हजार नौ सय ८५ रुपैयाँमा कारोबार भईरहेको महासंघले जनाएको छ ।
