काठमाडौँ । केपी ओली कप फुटबल आजबाट शुरु भएको छ । आइतबार एन्फा कम्प्लेक्समा प्रधानमन्त्री केपी शर्मा ओलीले ७४ औँ जन्म दिनको अवसरमा केक काटेर ‘केपी ओली कप’को शुभारम्भ गरेका हुन् ।
सो अवसरमा युवा तथा खेलकुदमन्त्री तेजुलाल चौधरी, कलाकार हरिवंश आचार्य लगायतका नेता कार्यकर्ता र कलाकारहरुको उपस्थिति रहेको थियो ।
राष्ट्रिय युवा संघ नेपालको आयोजनामा भईरहेको तेस्रो संस्करणको केपी ओली कपको उद्घाटन खेलमा आज उज्बेकिस्तानको ब्ल्याक बुल्स एफसी र एपीएफ एफसी खेल्दैछन् ।
प्रतियोगितामा दुई विदेशीसहित ९ टोलीले सहभागिता रहनेछ । प्रतियोगिताको विजेताले १५ लाख ११ हजार १ सय ११, दोस्रो टोलीले ५ लाख रुपैयाँ प्राप्त गर्नेछन् ।
