काठमाडौं । नेपालका लागि पहिलो अन्तर्राष्ट्रिय पदक जितेका जीतबहादुर केसीलाई कोरोना भाइरस संक्रमण भएको छ । पेटमा समस्या देखिएपछि स्टार हस्पिटलका परीक्षण गर्दा कोरोना पोजेटिभ देखिएको उनका छोरा योगेन्द्रले पुष्टि गरे ।
उनले अहिले केसीलाई कोरोनाको कुनै लक्षण नरहेको र कलंकीस्थित घरमै आइसोसनमा बसेको बताए ।
७२ वर्षे केसीले नेपालका लागि सन् १९७३ मा फिलिपिन्समा भएको एसियन एथ्लेटिक्स च्याम्पियनसिपमा कांस्य पदक जित्दै नेपाललाई पहिलो अन्तर्राष्ट्रिय पदक दिलाएका थिए । उनले त्यसअघि नै १९७२ मा ओलम्पिकमा पनि सहभागिता जनाएका थिए ।
