काठमाडाैंः हरेक वर्ष राजधानीमा निकै धुमधामका साथ विभिन्न सांस्कृतिक कार्यक्रम सहित मनाइने इन्द्रजात्रा पर्वका अवसरमा राजधानीकाे हनुमानढाेका, वसन्तपुरमा यस वर्ष सुनसान देखियाे । भक्तजन र जात्रा हेर्न राजधानीवासी वा विदेशीकाे चहलपहल यस वर्ष थिएन । कारण थियाेः काेराेनाेभाइरसकाे महामारी ।
राजधानी लगायत देशैभर काेराेनाभाइरसकाे त्रासदी जारी छ । दुइ सयभन्दा बढी मानिसकाे मृत्यु भइसकेकाे छ भने राजधानीमा समेत काेराेनाभाइरसकाे संक्रमण उच्च छ । यही कारण स्थानीय प्रशासनले ठूलाे भेलाका साथ कुनै पनि किसिमका धार्मिक, पर्व र जात्राहरू संचालन नगर्न अनुराेध गरेकाे छ अर्थात निषेध नै गरेकाे छ । यस्ताे अवस्थामा वसन्तपुर वा हनुमानढाेका क्षेत्र सुनसान देखिनु स्वाभाविक हाे । यस्ताे घटना कैंयाैं वर्षपछि पहिलाे पटक भएकाे छ । भव्य रूपमा इन्द्रजात्रा मनाइने राजधानीकाे मुटु वसन्तपुरकाे सुनसान परिदृश्य हेराैं तस्वीरमा । यी तस्वीरहरू फाेटाे पत्रकार नवराज श्रेष्ठले खिच्नु भएकाे हाे ।
