काठमाडौं । सत्तारुढ दल नेकपाले सो पार्टीका उपाध्यक्ष वामदेव गौतमलाई राष्ट्रियसभामा पठाउने भएको छ । आज अपरान्ह बालुवाटारमा बसेको सचिवालयको बैठकले सो निर्णय गरेको हो ।
आजको सो सचिवालयको बैठकले राष्ट्रपतिले मनोनित गर्ने खाली एक सिटमा गौतमलाई मनोनयन गर्न सिफारिस गर्ने निर्णय गरेको सो पार्टीका प्रवक्ता नारायणकाजी श्रेष्ठले जानकारी दिएका छन् ।
यस सम्बन्धी निर्णय भोलि बिहान बस्ने मन्त्रिपरिषदको बैठकले गर्ने भएको छ ।
