काठमाडौं । भौतिक पूर्वाधार तथा यातायात मन्त्रालयका मन्त्री बसन्त नेम्वाङ होम क्वारेन्टिनमा बसेका छन्। मन्त्रालयका एक उच्च अधिकारीलाई कोरोना भाइरसको संक्रमण पुष्टि भएपछि मन्त्री नेम्वाङ होम क्वारेन्टिनमा बसेका हुन् ।
गत बुधबार ती अधिकारीलाई कोरोना भाइरसको संक्रमण पुष्टि भएसंगै उनी एक निजी अस्पतालको आइसोलेसनमा बसेका छन्।
मन्त्रालयका कर्मचारीलाई कोरोना भइरसको संक्रमण भएसँगै भौतिक मन्त्री नेम्वाङ आजको मन्त्रिपरिषद बैठकमा गएका छैनन्।
मन्त्रालयका ती उच्च अधिकारीले सोमबार स्वाब दिएका थिए।
