काठमाडाैंः नेपाल कम्युनिष्ट पार्टी (नेकपा) स्थायी समितिको बैठक यहि भाद्र २६ गते बस्ने भएको छ ।
सोमबार बिहान प्रधानमन्त्रीको सरकारी निवास बालुवाटारमा अध्यक्षद्वय केपी शर्मा ओली र पुष्पकमल दहाल तथा महासचिव विष्णु पौडेलबीच भएको छलफल पछि २६ गतेका लागि बैठक बोलाउने निर्णय भएको हो ।
पार्टी भित्रको आन्तरिक विवादका कारण साउन १३ गते देखि स्थायी समितिको बैठक स्थगित भएको थियो । विवाद बढ्दै गएपछि दुई अध्यक्षले पार्टी महासचिव विष्णु पौडेलको संयोजकत्वमा गठन गरिएको ६ सदस्यीय कार्यदलले बुझाएको प्रतिवेदनलाई आधार मान्दै तय गरिएका एजेण्डामा नै स्थायी समितिको बैठक केन्द्रित हुने जनाइएको छ ।
