काठमाडौं । नेपाल कम्युनिस्ट पार्टी (नेकपा) का अध्यक्षद्वय केपी ओली र पुष्पकमल दाहालले शुक्रबारलागि तय गरिएको स्थायी कमिटी बैठकमा प्रस्तुत गर्ने प्रस्ताव तयार पार्नुभएको छ ।
प्रधानमन्त्रीाके सरकारी निवास बालुवाटारमा बुधबार बिहान भएको छलफलमा अध्यक्ष ओली र दहालले बैठकमा प्रस्तुत गर्ने प्रस्तावलाई अन्तिम रूप दिनु भएको हो ।पार्टीभित्रको समस्या र तीनको समाधानका लागि महासचिव विष्णु पौडेल नेतृत्वमा गठन गरिएको ६ सदस्यीय कार्यदलले दिएको सुझाब र गत १८ भदौको सचिवालय बैठकमा नेताहरूबाट प्राप्त सुझाबका आधारमा अध्यक्षद्धयले प्रस्ताब तयार पार्नुभएको हो ।
दुई अध्यक्षले अन्तिम रूप दिएको सहमतिको प्रस्तावसहितका एजेन्डा अध्ययनका लागि स्थायी कमिटी सदस्यहरूलाई इमेलमार्फत पठाईएको छ । स्थायी समितिका सदस्यहरुले अध्यायन गरी संक्षिप्त छलफल गरी बैठक भरसक २६ गते नै समापन गर्ने तयारी पनि भै रहेको जनाईएको छ ।
