काठमाडौं । चेल्सी फुटबल क्लबले एफए कपमा हार ब्यहोरेको छ ।
गएराति भएको चौंथो चरणको खेलमा चेल्सी ब्राइटनसँग १-२ गोलले पराजित भएको हो ।
ब्राइटनको घरेलु मैदान फाल्मर स्टेडियममा चेल्सीले खेलको पाचौं मिनेटमा नै अग्रता लिएको थियो । ब्राइटनका गोलकिपर बार्ट भरब्रगनले आत्मघाती गोल गर्न पुगेपछि चेल्सीले सुरुवाती अग्रता लिएको हो ।
तर, खेलको १२ औं मिनेटमा जर्जिनिओ रुटरले हेडरमार्फत गोल गर्दै ब्राइटनलाई १-१ को बराबरीमा ल्याए । यस्तै, खेलको ५७ औं मिनेटमा काओरु मितोमाले गोल गर्दै ब्राइटनलाई २-१ ले अघि बढाए ।
त्यसपछि खेलमा थप गोल हुन सकेन र ब्राइटनको पक्षमा नतिजा गयो । योसँगै चेल्सीको एफए कप यात्रा यहिँ टुंगिएको छ भने ब्राइटन पाँचौ चरणमा प्रवेश गरेको छ ।
प्रतियोगितामा ब्राइटनसँगै १६ टोलिले पाँचौ चरणमा स्थान बनाएका छन् । पाँचौ चरणको ड्र भोलि सोमबार हुनेछ ।
