काठमाडौँ : ग्यालेक्सी, द चाँदबाग र स्वर्णिमले ११ औं एक्सेल्सियर कपअन्तर्गत गल्र्स बास्केटबलमा बिहीबार जित हात पारेका छन् ।
स्वयम्भूस्थित आयोजक द एक्सेल्सियर स्कुलको कोर्टमा ग्यालेक्सीले राई स्कुललाई १७–२, चाँदबागले निःसर्ग वाटिकालाई १४–११ र स्वर्णिमले ल्यान्डमार्क एकेडेमीलाई २२–६ ले पराजित गरे । ग्यालेक्सीकी छिरिङ शेर्पाले १०, चाँदबागकी सम्भावी महतले ८ र स्वर्णिमकी नितिशा महर्जनले ९ स्कोर गरे ।
सिनियर ब्वाइजमा निःसर्ग वाटिकाले ग्यालेक्सीलाई १७–१३, बेबी एन्जलले रेडियन्ट रिडर्सलाई २४–१२ र पुष्पसदनले स्वर्णिमलाई २५–१९ ले हराए । निःसर्गका अर्नव खत्रीले ९, बेबी एन्जलका रुपकले ६ र पुष्पसदनका सम्राट लामाले १० अंक जोडे ।
ब्वाइज फुटसल:
ब्वाइज फुटसलको यु–९ मा आयोजक एक्सेल्सियरले विद्यावाणीलाई ५–२ गोलले पराजित ग¥यो । ग्यालेक्सी विरुद्धको खेलमा भने विद्यावाणी ६–० गोलले विजयी भयो । यु–१६ मा ग्यालेक्सीले एक्सेल्सियरलाई २–० तथा न्यु एराले रिब्सलाई ३–२ गोलले हराए ।
यु–११ मा जोन डेवीले ग्यालेक्सीलाई ९–१, राई स्कुलले संस्कृति इन्टरनेसनल स्कुललाई ३–१ र स्वस्तिश्री गुरुकुलले बोधी वृक्षलाई ८–० गोलले पाखा लगाए ।
यु–१४ मा विद्यावाणीले राई स्कुलाई ७–१ र जोन डेवीलाई ३–१ तथा राई स्कुलले जोन डेवीलाई ३–२ गोलले पन्छाए ।
