काठमाडौं। इंग्लिस प्रिमियर लिग फुटबलअन्तर्गत गएराति भएको खेलमा चेल्सीले वेष्टहम युनाइटेड विरूद्ध २-१ को पुनरागमन जित हात पारेको छ । जितपछि चेल्सी अंकतालिकामा चौथो स्थानमा उक्लेको छ ।
खेलको ४२औँ मिनेटमा वेस्टहामका जरोड बोवेनले गोल गर्दै टिमलाई चेल्सीविरुद्ध १-० को अग्रता दिलाएका थिए । पहिलो हाफमा १-० ले पछि परेको चेल्सीका पेड्रो नेटोले ६४औँ मिनेटमा बराबरी गोल फर्काए । त्यस्तै ७४औँ मिनेटमा वेस्टहामका एरोन वान बिसाकाले आत्मघाती गोल गरेपछि चेल्सी २-१ ले विजयी भयो ।
अंकतालिकामा भने लिभरपुल शीर्ष स्थानमा यथावत छ । त्यस्तै दोस्रो स्थानमा आर्सनल छ भने तेस्रो स्थानमा नोटम फरेस्ट छ । चौथो स्थानमा चेल्सी र पाँचौँ स्थानमा म्यानचेस्टर सिटी छन् ।
