एजेन्सी। लेबनानको स्वास्थ्य मन्त्रालयले दक्षिणी लेबनानमा इजरायली सैनिकको आक्रमणबाट २५ जनाको मृत्यु भएको र १६० जना घाइते भएको जनाएको छ।
सोमबार इजरायली आक्रमणको क्रममा एक व्यक्तिको मृत्यु भएको र अन्य २६ जना घाइते भएका थिए। आइतबार बिहानदेखि सयौं लेबनानीहरू आफ्नो सीमावर्ती गाउँहरूको बाहिरी इलाकामा भेला भएका छन्। लेबनानीहरू इजरायलले लगाएको अवरोधहरू पार गर्दै पैदल यात्रा गरेर आफ्नो घरतिर लागेको र इजरायली सेनाले सिमानामा फर्किएका नागरिकहरूमाथि गोली चलाएको अन्तर्राष्ट्रिय सञ्चारमाध्यमहरूले जनाएका छन्।
सन् २०२४ नोभेम्बर २७ मा लागू भएको हिजबुल्लाह र इजरायली सेनाबीच जारी युद्धविराम सम्झौतापछि पनि यस्ता घटनाहरू सार्वजनिक भएका छन्।रासस
